اہلحدیث یوتھ فورس پاکستان نوجوانان کی نمائندہ تنظیم کے طور پر عرصہ دراز سے دعوتی،تبلیغی،تربیتی و فلاحی فرائض سر انجام دینے میں سرگرم ہے جس کا بنیادی مقصد نوجوانان میں اسلامی اقدار کو اجاگر کرنا اس کے مطابق سیرت و کردار کی تعمیر کر کے پاکستان کو اسلامی فلاحی ریاست بنانے کی کوشش کرنا ہے۔اس مقصد کے حصول کیلئے اہلحدیث یوتھ فورس پاکستان کا نظم مرکزی، صوبائی، ضلعی،شہری و تحصیلی سطح پر قائم کیا گیا ہے جس سے ملک بھر کے ہزاروں نوجوان اہلحدیث یوتھ  فورس کیساتھ منسلک ہیں۔
اہلحدیث یوتھ فورس پاکستان نوجوانوں کی اصلاح کی غرض سے ہمیشہ اپنے کارکنان کو قرآن و سنت کے فروغ کیلئے مصروفِ عمل رکھتی ہے جبکہ اعلیٰ قیادت کی زیرِ نگرانی تمام شعبہ ہائے حیات میں اپنی خدمات سرانجام دے رہی ہے۔